هلوو
مسآكم ورد ،، إن شاء الله يآرب أموركم طيبه ..!
مشكلتي بعض تصرفاتي غريبه :( .. و أحس فيني أطبآع ودي أغيرها ..!
مثلاً ..
هدوئي !! .. مرآت أصير هاآاآديه بشكل مو طبيعي .. لي درجة اللي جدآمي يتنرفز
سواء بالنت أو حتى بالواقع >> بس عآد إذا فصلت أفصل من قلب :p
أكثر أوقآتي بغرفتي .. تهقون شسوي؟؟
اقعد أسمع صوت الهدووء وأتأمل !!
تخيلوا الهدوء له صوت !!
--------------------
السالفه الثانيه .. تأنيب الضمير و المحتاة !
على أي شي سواء تافهه ولا مهم دايما ضميري مأنبني !!
حتى بالدراسه أكون تووني مسكره من هالماده .. يحوشني تأنيب ضمير وافتحها مره ثانيه :(
وفوق كل هذا أفكر وآيد وأحاتي .. تفكيييري ماا يووقف .. لي درجة إن الحين صآر اييني " عوآر قلب " من التفكير
والمحتاة :(
عندكم حلول ؟ أبي أسوي أي شي أعيش مرتآحه وسعيده .. أبي أسوي أي
شي أنسى كل شي ممكن يضايقني .. أبي دآيما أعطي طآف وما أفكر بالأشياء اللي مضايقتني
عشان ما أتأزم :( ..
شاركوني بالحلول .. واللي عنده أطباع أو تصرفآت يحسها غريبه .. لا يتردد بعرضها ; )
كل الشكــر لكم :)
بونجور ،
ردحذفرزوفه شفييه الهدوء زيينه سألي يدتج!! > آنآ مشكلله على سالفة اليدات اليوم :$
المهم حبوبه خير الكلام ما قل و دل و والله شي
حلو و راقي لِ آلبنت و الله يرزقني من مآ رزقج
و بِ النسبه لِ تآنيب الضمير هذى الشي بدون ما تنلسعين
ما تقدرين تغيرينه .. خففي على روحج و الدنيا ما تسوى :) .. و خليه ضميرج يآنبِج بالدراسه عشان اشوفج من رواد الهندسه :p و وقت ما تشوفين روحج غلطتي بس!
موفقه
همسه: لوك المدونة غااامج ما يعكس روحج :)
تيك كير
أهلين سارون .. لا بصرآحه الهدوء مو حلو
ردحذفلما يصير زايد و مو بكل وقت مناسب :(
إن شاااء الله الله يقدرني وأخفف من تأنيب الضمير والتفكير الزايد اللي متعبني :(
آمييين يارب .. الله يسمع منج !
احم > انحرجت لوول .. إن شاء الله بحآول قريب أغيره :)
مرورج شرَفْ لي ،،
نعم للهدوء صوت .. وما أجمله من صوت!
ردحذفالتأمل رائع .. والتفكير يوسع المدارك شرط ألا يكون التفكير بالفراغ! :)
بالنسبة لتأنيب الضمير ... فأنا أراه أمر جيد .. أفضل بكثير ممن لا ضمير لهم أو سلموا ضمائرهم لبيات شتوي طويل جداً !
تقبلي مروري .. وكوني بخير :)
معاج حق..
ردحذفتأنيب الضمير نعمه خصوصا بهالأيام لكن مايكون بشكل زايد عشان
لا يتحول الى وسواس !!
وبالمناسبه ترا سويتلج follow بـ تويتر :)
نورتي البلوق عزيزتي :)